FITORJA E RADHËS
Suhareka kreu punë në pjesë të parë
18 September, 2023 @0:57
Skuadra e Suharekës ka shënuar fitoren e dytë me radhë në kuadër të Ligës së Parë - Grupi A, duke e mposhtur sot Phoenixin me rezultat, Suhareka 2-0 Phoenix [Leart Emini 14’, Ph. ag. 44’].
Derisa Phoenix ende po luan pa kryetrajner të emëruar, pas largimit të Gani Sejdiut nga ekipi, Suhareka ka shfrytëzuar rastin dhe me golin e Leart Eminin fillimisht dhe autogolin e mysafirëve pak pa përfunduar pjesa e parë, fitoi edhe ndeshjen.
Fitorja, bën që Suhareka të jetë ndjekësja më serioze e Dinamos lidere, duke qenë se pas 4 ndeshjes ka 9 pikë. Ndërsa Phoenixi me humbjen e sotme ka rënë në fund të tabelës, duke qenë se ka 2 pikë nga 4 ndeshje.
Në xhiron e radhës, Suhareka udhëton te Istogu, ndërsa Phoenixi pret liderin e ligës, Dinamon.
