FITOJNË THELLË DERBIN LOKAL!
Ramiz Sadiku fiton thellë derbin lokal
16 September, 2023 @19:34
Ramiz Sadiku ka dalë me goleadë nga stadiumi Xhemajl Ibishi i Flamurtarit sot. Në derbin lokal të ekipeve të kryeqytetit, verdhezinjtë kanë dominuar ndaj kuqezinjëve dhe kanë marrë fitore të thellë në këtë duel, me rezultat përfundimtar: Flamurtari 1-5 Ramiz Sadiku [n.n. - Rion Rushiti, Eurent Krasniqi, Albin Dermaku, Andi Bikliqi, Taulant Haliti].
Kjo ka qenë fitorja e dytë sezonale e Ramiz Sadikut që po drejtohet nga Alban Dragusha dhe tash ka 6 pikë në renditje, ndërsa okupon momentalisht pozitën e gjashtë në renditje të Ligës së Parë - Grupi B. Flamurtari pësoi për herë të tretë në katër ndeshjet e para të këtij stinori. Kuqezinjtë po drejtohen nga Liridon Leci këtë stinor.
Në xhiron e radhës, Ramiz Sadiku pret Ferizajin, ndërsa 2 Flamurtari udhëton te Ulpiana.
