ÇEREKFINALJA
Peja - Kozuv, para duelit të parë çerekfinal
7 March, 2017 @8:15
Skuadra e Pejës nesër mbrëma në “Karagaç” pret ekipin maqedon të Kozuvit në duelin e parë të çerekfinales në BIBL.
Verdhezinjtë siguruan çerekfinalen nga vendi i tretë i Grupit D, ndërsa mysafirët nga Gjevgjelia arritën aty nga pozita e dytë e Grupit C.
Interesant është fakti se përkundër dy fazave grupore, Peja e Kozuv këtë stinor asnjëherë nuk qëlluan në të njejtin grup dhe ky do të jetë takimi i parë mes tyre këtë stinor.
SI U KUALIFIKUAN, TAB. GR. C dhe GR. D
Dueli nis nesër mbrëma (8 mars 2017) në ora 19:00 ndërsa drejtësia në ndeshje do të ndahet nga Ognjen Jokic, Vladan Sundic dhe Milosav Kaludjerovic.
Ndeshja e kthimit mes këtyre dy skuadrave zhvillohet më 15 mars 2017 në Gjevgjeli të IRJ Maqedonisë.
Në duelin tjetër çerekfinal takohen sonte Feni Industries (MAQ) - Teodo (MZI). Gjysmëfinalen më parë e kanë siguruar Beroe (BUL) dhe Kumanova (MAQ).
