Peja lëndohet rëndë!

Fitorja prej 77 pikëve të Pejës në xhiron e parë të BKT Superligës ndaj RTV 21-shit, i është shpaguar me humbje  sonte në Pallatin e Rinisë dhe të Sporteve në Prishtinë. Teleboysat shënuan fitore me rezultat të ngushtë 72-70, duke u ngjallur kështu shpresat për një vend në playoff.

Pejanët ishin ata të cilët e filluan mirë ndeshjen, ndërsa 21-shi pas serisë prej 9-1 e ktheu epërsin në të mirë të saj, ku edhe arriti ta mbajë deri në fund të takimit.

Mungesat e Dardan Berishës, Ersid Lucës dhe Blerim Mazrekut u vërrejtën shumë në lojën e Pejës, ndërsa skuadrën u munduan që ta mbajnë në këmbë Alban Veseli me 27 pikë, ku 10 prej tyre i shënoi në çerekun e fundit, derisa nga 15 pikë shënuan edhe Gerti Shima dhe Samir Shaptahu.

Në anën tjetër, te teleboysat me 28 pikë i pandalshëm ishte amerikani Kendrick Jones. Urim Zenelaj realizoi double-double me 13 pikë dhe 12 kërcime, kurse plejmekeri Roberson kontriboi me 15 pikë.

Peja e kishte rastin që ta barazojë rezultatin në sekondat e fundit të ndeshjes, kur Shaptahu asistoi te Awere i cili ishte në pozitë të volitshëm në afërsi të koshit, por në tentimin e qendrës amerikane topi doli jashtë harkut dhe kështu fitores i’u gëzua skuadra vendase.

Kjo ishte humbja e dytë e Pejës në këtë edicion, ndërsa 21-shi me këtë fitore tani është edhe më afër kualifikimit në fazën finale të BKT Superligës.

Shiko tabelën aktuale dhe xhiron e radhës në BKT Superligë

TOP SHËNUESIT E NDESHJES