PEJË
Foto: KB Peja
Basketbollistët që shkruan historinë e ekipit
4 March, 2015 @20:26
Peja ka arritur të plasohet për herë të parë në histori të saj në katërshen më të mirë të ligës ballkanike, që shënon historinë në ekipin verdhezi duke e mposhtur sonte Mornarin.
Peja këtë sukses e arriti në stinorin e dytë të pjesëmarrjes në garën e parë ndërkombëtare, prej se në ‘to po marrin pjesë ekipet kosovare.
Sigal Prishtina është ekipi i parë kosovar që e ka arritur këtë sukses dhe atë në stinorin debutues, 2013/14, kur pejanët nuk kishin arritur të plasohen në Play-Off të kësaj lige.
Kështu, si trajneri Boris Kurtovic, ashtu edhe basketbollistët e këtij stinori të ekipit pejan do të mbesin të shkruar me shkronja të arta në historinë e klubit.
Natyrisht, Peja tashmë ka mundësi që të bëj edhe më të madhe këtë histori duke u plasuar në finale, e pse jo edhe të fitojë këtë ligë.
