Peja, stërvitet me Vëllaznimin

Peja ka kaluar pritshëm lehtë Vëllaznimin sonte në Karagaç për të shënuar fitoren e nëntë të stinorit në Superligë. Ekipi verdhezi nuk din për humbje këtë stinor dhe fitorja ndaj Vëllaznimit nuk vihej në pyetje, por vetëm rezultati. 

E përfundimtarja 123-95 u bë vetëm kur Branimir Pavic tentoi dhe eksperimentoi gjithçka ndaj kuqezinjëve të Gjakovës. Fillimi i ndeshjes tregoi çfarë dallimi ka Peja ndaj Vëllaznimit, 40-17. Më pas, ndeshja kaloi në frymë stërvitore për Pejën, derisa Pavic u dha mundësinë të gjithë basketbolllistëve në dispozicion për të treguar veten. 

Me rëndësi për Pejën ka qenë kthimi i qendrës kroate Nenad Delic nga lëndimi. Ai ishte për 19 minuta në parket dhe u bë lojtari më efikas i Pejës me 22 pikë të shënuara dhe 10 kërcime, duke regjistruar double-double në rikthim. 

TABELA AKTUALE E SUPERLIGËS

Në përgjithësi, 5 basketbollistë të Pejës shënuan pikë dyshifrore (Delic, Hajrizi, Davis, Burwell dhe Samir Zekiqi) derisa ansjë lojtar nga 12 të pranishëm nuk la pa shënuar së paku një pikë. 

Te Vëllaznimi u dallua ish lojtari i Pejës, Arian Qallaku, që ishte më efikasi në ndeshje me 27 pikë, plus 7 kërcime. Edhe gjakovarët e dinin forcën e Pejës, prandaj trajneri i tyre u dha mundësinë të gjithë basketbollistëve që të provojnë veten karshi yjeve verdhezi. 

Në fund, Peja regjistroi fitoren e nëntë të stinorit në Superligë para superderbit ndaj Prishtinës, derisa Vëllaznimi në 9 ndeshjet e deritashme të stinorit ka regjistruar humbjen e shtatë, krahas 2 fitoreve që i ka. 

Statistikat ekipore

	Peja	Vëllaznimi
Çereku i parë	40	17
Çereku i dytë	26	25
Çereku i tretë	38	24
Çereku i katërt	19	29
Kërcime	47	36
Asistime	35	23
Bllokada	4	0
Topa të vjedhur	12	6
Topa të humbur	16	18
Tentime për tre pikë	16/32 (50%)	12/31 (38%)
Tentime nga loja	48/82 (58%)	37/86 (43%)
Tentime nga gjuajtjet e lira	11/16 (68%)	9/13 (69%)

Statistikat individuale te Peja

1	Nenad Delic	22 pikë	10 kërcime	2 asistime
2	Ronald Davis	21 pikë	9 kërcime	7 asistime
3	Kevin Bruwell	18 pikë	3 asistime	2 kërcime
4	Drilon Hajrizi	15 pikë	7 asistime	1 kërcim
5	Samir Zekiqi	13 pikë	2 kërcime	2 asistime
6	Burim Zekiqi	8 pikë	4 kërcime	2 asistime
7	Sam Muldrow	8 pikë	4 kërcime	1 asistim
8	Arti Hajdari	7 pikë	1 kërcim	-
9	Rron Grapci	4 pikë	6 kërcime	5 asistime
10	Leonard Mekaj	4 pikë	4 asistime	3 kërcime
11	Blend Kadusha	2 pikë	1 kërcim	-
12	Fisnik Rugova	1 pikë	2 asistime	-

Statistikat individuale te Vëllaznimi

1	Arian Qallaku	27 pikë	7 kërcime	2 asistime
2	Gent Zeka	17 pikë	10 asistime	5 kërcime
3	Sami Hajzeri	17 pikë	5 asistime	4 kërcime
4	Blendi Matoshi	16 pikë	7 kërcime	1 asistim
5	Driton Rraci	10 pikë	6 kërcime	-
6	Mehmet Kollqaku	3 pikë	1 kërcim	1 asistim
7	Atik Koshi	3 pikë	1 kërcim	-
8	Michel Lewis	2 pikë	-	-