Peja ta fitojë titullin dhe BIBL

Samir Shpatahovic, që në stinorin e kaluar la basketbollin aktiv për të ‘ikur’ drejt SHBA-së, ka thënë se po e përcjell basketbollin e Kosovës ende dhe e ka marrë malli për të. 

Sidoqoftë, në një intervistë për Zërin, ai ka bërë të ditur se shpreson që Peja të fitojë titullin e kampionit dhe atë të Ligës Ballkanike këtë stinor. 

“Jam duke e përcjellë basketbollin në Kosovë, veçanërisht kur ekipet po luajnë në gara ndërkombëtare. Mund të them se ekipet tona po paraqiten shumë mirë në BIBL. Por, shpresoj që sivjet Peja të fitojë titullin kampion dhe atë të Ligës Ballkanike,” ka thënë Samiri, shkruan Zëri. 

Basketbollisti në fjalë ka luajtur për shumë ekipe në karrierën e tij në Kosovë, ndërsa e mbylli atë me Pejën. Playmakeri në fjalë gjatë karrierës së tij ka luajtur për Sigal Prishtinën, Mabetexin, AS Prishtinën, Bashkimin e Pejën.