Peja thyen rekord

Kampionja e Kosovës në basketboll, Peja, ka shënuar fitoren rekorde të stinorit në xhiron e fundit të pjesës vjeshtore të Superligës. 

Djelmoshat e Daniel Lutz kanë mposhtur ekipin e fundit të tabelës, Kastriotin, me 82 pikë dallim duke e shkatërruar totalisht me rezultat 137-55. 

Peja ka shënuar vetëm në çerekun e parë 43 pikë, shifër kjo të cilën Kastrioti e arriti tek në çerekun e fundit të takimit! 

Tetë basketbollistë të Pejës kanë shënuar pikë dyshifrore sonte, derisa më efikasi në ndeshje ka qenë mitrovicasi, Drilon Hajrizi me 20 pikë të shënuara. 

Ndërsa më të vyeshmit për ekipin janë treguar dyshja Samir Shaptahovic dhe George Odufuwa që kanë regjistruar double-double. 

Samiri ka shënuar 17 pikë dhe ka regjistruar 11 asistime, derisa Odufuwa ka shënuar 14 pikë e 10 kërcime për të regjistruar fitoren rekorde të ekipit të tyre dhe të stinorit në përgjithësi në Superligë. 

E mira e kësaj ndeshjeje ka qenë se aty janë paraqitur të gjithë basketbollistët pejan, përfshirë këtu edhe kthimin e Endrit Hysenagollit që ka shënuar 8 pikë, derisa Fred House nuk ka qenë fare në formacion për shkak të lëndimit të tij. 

Te disfata më e thellë e stinorit e Kastriotit, i vetmi që ka arritur të shënojë pikë dyshifrore ka qenë Mustafë Merovci, që ka shënuar 23 pikë, derisa shuti i ferizajasve ka qenë katastrofal sonte, të cilët kanë 29% ku prej 76 tentimeve, kanë shënuar vetëm 22 herë në tentime për dy dhe një pikë! 

Kjo ka qenë fitorja e 12 e Pejës këtë stinor, derisa shifrën e njejtë e ka edhe Kastrioti, por në humbje. 

Rezultatet dhe tabela aktuale.

Statistikat ekipore:

	Peja	Kastrioti
Çereku i parë	43	13
Çereku i dytë	37	20
Çereku i tretë	32	4
Çereku i katërt	25	18
Kërcime	60	24
Asistime	43	16
Bllokada	5	3
Topa të vjedhur	17	4
Topa të humbur	11	24
Tentime për tre pikë	5/24	2/17
Tentime për dy pikë	54/77	20/59
Tentime nga gjuajtjet e lira	14/23	9/15

Statistikat individuale te Peja:

1	Drilon Hajrizi	20 pikë	7 asistime	3 kërcime
2	Samir Shaptahovic	17 pikë	11 asistime	4 kërcime
3	Gerti Shima	17 pikë	7 asistime	6 kërcime
4	Rron Grapci	15 pikë	6 kërcime	3 asistime
5	Mario Edwards	15 pikë	4 kërciime	3 asistime
6	George Oduwufa	14 pikë	10 kërcime	2 asistime
7	Ersid Ljuca	13 pikë	4 kërcime
8	Fahri Breca	12 pikë	6 kërcime	5 asistime
9	Endrit Hysenagolli	8 pikë	6 kërcime	1 bllokad
10	Vigan Radoni	4 pikë	7 kërcime	5 asistime
11	Teo Simovic	2 pikë	4 kërcime	2 topa të vjedhura

Statistikat individuale te Kastrioti:

1	Mustafë Merovci	23 pikë	3 kërcime	1 asistim
2	Visar Xhemajli	12 pikë	4 kërcime	1 asistim
3	Hekuran Binxhija	7 pikë	8 asistime	3 kërcime
4	Gent Shabani	6 pikë	3 kërcime	1 asistim
5	Benik Podvorica	4 pikë	1 kërcim	1 bllokad
6	Armend Jashari	2 pikë	7 kërcime	2 asistime
7	Drin Kurtolli	1 pikë	2 asistime	2 kërcime