GRUPI C LUAN SOT, GRUPI D NESËR
Foto: balkanleague.net
Peja zgjedh rivalin çerekfinal!
28 February, 2017 @8:34
Skuadra e Pejës pasi që ka siguruar çerekfinalen e BIBL 2016/17, nesër në ndeshje ndaj Teodos do të mund të zgjedh kundërshtarin.
Kjo, pasi që duelet e Grupit C të BIBL përfundojnë sot dhe do të kuptohet përfundimisht se cila nga skuadrat (Kozuv, Feni Industries, Sutjeska) do të përfundojë në pozitë të dytë e cila në pozitë të tretë.
Peja është aktualisht në pozitë të tretë të Grupit D dhe në rast humbjeje nesër do të luaj në çerekfinale me pozitën 2 të Grupit C.
Nëse Peja fiton, do të dalë në pozitën 2 të Grupit D, që i mundëson çerekfinale me pozitën e 3 të Grupit C.
