PENZA-KALAJA
BOROZANI/Arkiv
Penza s’gabon, mposht Kalanë
17 March, 2018 @18:53
Skuadra e Penzës ka vazhduar me fitore në Superligë, duke e shënuar të 13-tën e stinorit, pasi që sot në Pejë mposhti Kalanë e Prizrenit me rezultat 73-55.
Përkundër mungesës së disa lojtareve kyqe të skuadrës, kanë qenë vajzat e reja të ekipit që kanë mbajtur barën kryesore të skuadrës në këtë fitore, ku ndër të dalluarat kanë qenë Tringa Ukaj, Zana Zeka, Yllka Berisha e Gresa Nikqi.
Me këtë fitore, Penza tash ka bilanc 13-1 në Ligën e Femrave duke qenë lidere, e Kalaja ka bilanc 3-10.
Në xhiron e radhës Penzën e pret derbi ndaj Bashkimit në Prizren, ndërsa Kalaja pret Vushtrria Basketin.
