TREPÇA-KERASAN
Trepça triumfon, Kerasani pa fitore në 2018
17 March, 2018 @18:25
Trepça ka vazhduar me ritmin e fitoreve në Superligë, pas asaj ndaj Pejës në xhiron e kaluar, duke e mposhtur Kerasan Prishtinën lehtë sot.
Dallimi i madh në ndeshje u bë në çerek të dytë të lojës, kur mitrovicasit morrën këtë pjesë të lojës me 31-17. Në çerekët tjerë dallimi ka qenë tre dhe katër pikësh më shumë për Trepçën, që ka krijuar dallimin 25 pikësh në fund, 94-69.
Samir Zekiqi ka shënuar 37 pikë në fitore, duke qenë më efikasi i ndeshjes, ndërsa Besnik Azemi me 22 pikë e 13 kërcime ka përfunduar ndeshjen me double-double.
Rinor Ahmeti në anën tjetër me 17 dhe Gent Shala e Kujtim Ujkani me nga 14 pikë, nuk kanë mjaftuar për ndalë humbjen e nëntë me radhë të ekipit në këtë vit.
Me fitore, Trepça i afrohet Rahovecit në klasifikim me pikë, pasi që tash ka bilanc 11-12, ndërsa Kerasani ka shënuar humbjen e nëntë me radhë në vitin 2018 në Superligë dhe tash ka bilanc 4-19.
