Caktohen terminet për xhiron X

Janë publikuar terminet dhe delegimet e ndeshjeve të xhiros së X në Ligën e Parë të basketbollit së Kosovës.

Ndeshja hapëse në këtë xhiro është ndërmjet Vëllaznimit dhe Dritës e cila do të zhvillohet të shtunën prej orës 18:00 në Gjakovë. Gjyqtarët janë Dren Pudarolli, Hekuran Rugova dhe Atdhe Gutaj.

DUELET E XHIROS

Gjithashtu të shtunën do të kemi përballjen Kalaja kundër United Basketball e cila do të zhvillohet prej orës 19:00 në “Sezai Surroi”. Gjyqtarët janë Daut Mehmeti, Artan Gashi dhe Elldin Uglari.

Të dielën në Prizren me fillim nga ora 17:00 do të takohen Lipjani dhe Megasportsin. Gjyqtarët do të jenë Kushtrim Shala, Endrit Basha dhe Anjeza Haziraj.

TABELA AKTUALE

Ndeshja përmbyllëse e xhiros së X është përballja në mes Vushtrrisë dhe Prishtina e Re e cila do të zhvillohet të dielën në ora 19:00 në “Jeton Tërstena”.

Gjyqtarët e kësaj përballje janë Dardan Maxhuni, Ardian Rrustemi dhe Arian Thaçi.