Përballja interesante, Bashkimi apo Drita?

Bashkimi dhe Drita janë të gatshme për përballjen e tretë të stinorit ndërmjet tyre, por kësaj radhe në Kupë të Kosovës. 

Pas dy fitoreve të shënuara në kuadër të Superligës, djelmoshat e Edin Kërveshit do të kërkojnë fitoren e radhës ndaj Dritës - kësaj radhe edhe më të rëndësishme pasi që Drita së fundi është përforcuar edhe me qendrën kroate Filip Toncinic. 

Mirëpo, edhe Gyltekin Selimi me ekipin e tij ka llogaritë e veta. Arritja e Dritës në Final Four në rast të fitores do të llogaritet sukses i madh për ekipin që nuk ka arritur qe sa vite në katërshen përfundimtare të Kupës. 

Ndërsa me përforcimet e bëra së fundmi Selimi do të ketë edhe mundësinë ekipore me lojtarë për ta arritur këtë. 

Karakteristika e këtyre dy skuadrave është se të dyja kanë nisur me trajnerët aktual stinorin dhe vazhdojnë stinorin me ata. 

Derisa përballja do të vendoset përfundimisht nga të huajt në ekip, të cilët janë baza e prizrenasve por edhe e gjilanasve, derisa lojtarët vendorë mund të shpërthejnë për të krijuar dallimin e nevojshëm. 

Në dy stinorët e fundit, Bashkimi ka luajtur një finale të Kupës, ku është mposhtur nga Trepça dhe një gjysmëfinale ku është mposhtur nga Peja. Drita nuk ka arritur të kualifikohet në Final Four në dy vitet e fundit, ndërsa sistemi i ri i garave të Kupës tanimë do t’ia jep rastin ideal për të arritur këtë gjë. 

E tëra vendoset sonte në Gjakovë, në palestrën Shani Nushi, që pritet të mbushet nga publiku prizrenas dhe ai gjilanas. 

FINAL 6, Sonte: