Përballjet shpresëdhënëse

Në mungesë të superderbit, nuk do të thotë që nuk do të ketë emocione fantastike në ndeshjet tjera të Superligës. 

E kjo me faktin, se skuadrat tjera prej pozitës së tretë deri te ajo e fundit, kanë fuqi që ta mposhtin njëra-tjetrën dhe do të mund të bëjnë garën për Play-Off e Play-Out tejet interesante. 

Kështu, Bashkimi pret Besën në Prizren. Prizrenasit asnjëherë nuk janë mposhtur këtë stinor nga ekipi i ri pejan dhe presin t’i kthehen fitoreve pas dy disfatave nga Peja dhe Sigal Prishtina, për të luftuar për vendin e tretë. 

Por, Besa ka plane tjera. Pejanët shpresojnë që me fitore ndaj Bashkimit të ngriten edhe më në tabelë dhe të kërkojnë opcionin për Play-Off. Mirëpo, Besa nga ndeshjet e saja të mbetura, dy herë do të duhet të ndeshet me Pejën dhe njëherë Sigal Prishtinën - që në parim janë të pamposhtshme. 

Drita do të kërkojë patjetër fitore ndaj Kastrioti për të shpresuar Play-Offin, mirëpo edhe ferizajasit do të bëjnë gjithçka për të shënuar një fitore - që ndoshta do t’ua siguronte atyre Play-Outin dhe definitivisht pas fitores ndaj RTV 21 - do t’i shpëtonte nga rënia e sigurtë. 

E RTV 21, nga skuadra që pretendonte ndonjërën prej trofeve është shndërruar në skuadrën më të rrezikuar për rënie nga elita e basketbollit kosovar. Pas ngritjes së shpejtë të ekipit të Teleboysave, tani më po i vie rënia e shpejtë - dhe njëra ndër gjasat e pakta për të kërkuar shpëtimin është fitorja ndaj Trepçës, ku kjo e fundit lufton për Play-Off. 

Rezultatet, tabela aktuale dhe ndeshjet e radhës.

SUPERLIGA, Xhiroja XXIII