BASHKIMI
Përforcim i ri te Bashkimi
11 November, 2015 @20:37
Fitorja e fundit në udhëtim ndaj Lovcenit në kuadër të Ligës Ballkanike, i ka rritur apetitet e skuadrës së Bashkimit.
Ekipi prizrenas, që është në kërkim të lojtarëve të rinj, për shkak të lëndimeve të shumta dhe së fundi largimit të grekut Efthymos Tsakaleris, më në fund ka arritur të gjej përforcimin e kërkuar.
Bashkimit pritet që t’i bashkohet amerikani me prejardhje nga Zelanda e Re, Marcel Jones, i gjatë 203 centimetra, i cili luan në pozitat 3 dhe 4.
Jones së fundi ka luajtur në skuadrën nga Serie A2 e Italisë, Angelico Biella, ku ka pasur mesatare prej 6.0 pikëve dhe 5.3 kërcimeve për vetëm 4 ndeshje të paraqitura.
Borozani.com ka mësuar se përforcimi i paralajmëruar ditë më parë, Ante Gospic, ka dështuar, ndërsa përforcimi i ri Jones pritet të arrijë nesër në Prizren.
Video
