GARRIUS ADAMS
Përforcimi i ri i Bashkimit arrin në Kosovë
12 February, 2017 @20:38
Skuadrës së Bashkimit i është shtuar edhe një basketbollist para Final Four-it të Kupës së Kosovës që do të zhvillohet në fundjavën që po vjen.
Ekipit tashmë i është bashkuar edhe amerikani Garrius Adams, i cili sonte ka arritur në Kosovë, ndërsa qysh nga nesër do t’i fillojë stërvitjeve me skuadrën.
Adams është 26 vjeçar dhe luan në pozitën e shuterit.
Ai gjatë karrierës së tij ka luajtur në skuadra të ndryshme të kolegjeve amerikane dhe së fundi në skuadrën françeze Le Havre.
