Tensioni i lartë, Durant nuk mëshiron ndaj OKC

Prej që u transferua super ylli, Kevin Durant, në Golden State Warriors, për herë të parë në këtë stinor u rikthye në Oklahoma, në palestrën “Chesapeake Energy Arena”.

Ndeshja ndërmjet Golden State dhe Oklahoma City Thunder kishte tension të lartë për shkak të Durantit.

Gjatë gjithë ndeshjes, “Durantulla”, është brohoritur për të keq nga tifozët që e kishin përkrahur me vite, derisa gjithashtu gjatë ndeshjes kishte grindje të vogla ndaj ish-bashkëlojtarëve e tij, Westbrook e Roberson.

Ndërsa përgjigjja më e mirë e Kevin Durantit erdhi në parket duke e mposhtur ish-skuadrën me rezultat 130-114.

Durant ishte më i miri te “luftëtarët” me 34 pikë, 9 kërcime e 3 asistime, derisa u ndihmua edhe nga “Splash brothers” Stephen Curry e Klay Thompson, që shënuan nga 26 pikë secili.

Kurse në anën tjetër, Russell Westbrook shpërtheu me 47 pikë, 11 kërcime e 8 asistime, por që nuk mjaftuan për fitore.

TABELA AKTUALE

Kjo ishte fitorja e 46-të e Golden State Warriorsit, ndërsa deri më tani mbetet vetëm 8 herë e mposhtur.