FIBA WORLD RANKING
Përkundër humbjeve, Kosova s’lëviz nga vendi në FIBA renditje
2 March, 2021 @23:54
Përfaqësuesja e Kosovës në basketboll përkundër humbjeve të regjistruara në kuadër të parakualifikimeve për Botërorin 2023 të basketbollit, nuk ka lëvizur nga vendi në renditjen botërore të FIBAs për shtetet.
Kosova ka mbetur në pozitën e 70 të renditjes botërore, ndërsa të 38 në renditjen evropiane, derisa nuk ka lëvizuar nga vendi.
Skuadra si Luksemburgu dhe Sllovakia, që kanë mposhtur Kosovën kanë kërcyer për tre vende në renditje. Sllovakia nga pozita e 66 në botë ka dalë në pozitën 63, ndërsa Luksemburgu nga 74 në 71.
Sllovakia është e 36-ta në Evropë, ndërsa Luksemburgu në të 38-tin vend.
Sa i përket TOP 10shes në botë, është vërejtur ngritje e Greqisë dhe Italisë.
Gjendja në TOP 10-shen botërore sipas FIBAs është kjo:
1. SHBA
2. Spanja
3. Australia
4. Argjentina
5. Serbia
6. Greqia
7. Franca
8. Lituania
9. Rusia
10. Italia.
