FUSHË KOSOVA - DUKAGJINI
Përsëri Granit Arifaj, Dukagjini fiton
1 December, 2018 @15:02
Me një gol të të zakonshmit Granit Arifaj, skuadra e Dukagjinit ka arritur të shënojë fitore me rezultat 0-1 ndaj Fushë Kosovës.
Pjesa e parë e ndeshjes u mbyll pa gola, ndërsa goli i fitores për skuadrën nga Klina u shënua në pjesën e dytë, gol i cili i mjaftoi për arkëtimin e 3 pikëve.
Kjo fitore ka rëndësi të madhe për Dukagjinin në luftën për ngjitje në Superligë, sidomos kur dihet që nesër mes vete përballen Vushtrria e Vëllaznimi, dy prej kundërshtarëve të Dukagjinit për ngjitjen në elitën e futbollit kosovar.
Në dy takimet e tjera të ditës, Istogu e mposhti me rezultat 4-1 skuadrën e Kikës, kurse Trepça u mposht 1-2 nga Vitia.
Kjo ishte xhiroja e fundit e stinorit vjeshtor në Ligën e Parë të Kosovës në futboll.
