Prishtina-Bashkimi, të dielën

Xhiroja e parafundit e stinorit vjeshtor të Superligës në basketboll luhet këtë fundjavë, ndërsa në program është derbi ndërmjet Sigal Prishtinës dhe Bashkimit, që zhvillohet të dielën pasdite. 

Të shtunën, Vëllaznimi pret Trepçën në “Shani Nushi” të Gjakovës, derisa Kerasan Prishtina luan ndaj Yllit në Prishtinë, po këtë ditë. 

Sigal Prishtina do të kërkojë fitoren këndellëse ndaj Bashkimit, pas një dhjetë ditëshi për t’u harruar në dhjetor ku u mposhtën nga AEK, Peja dhe Kozuvi në tre gara të ndryshme. 

Bashkimi, që ka mposhtur vetëm Trepçën nga katërshja e madhe këtë stinor në Superligë do të mundohet të bëj diç më shumë ndaj Prishtinës, duke shpresuar të mos jetë ‘material freskues’ për kampionen. 

TABELA AKTUALE E SUPERLIGËS

Sa i përket liderit të pamposhtur të këtij stinori, Pejës, ata do të pushojnë këtë fundjavë, të qetë dhe të paprekshëm për këtë pjesë të stinorit në krye të klasifikimit. 

Mëposhtë, shikoni orarin dhe referët e ndeshjeve të kësaj xhiroje. 

Orari, datat dhe referët e xhiros XIII: