GRUPI C
Zalgiris befason Barcelonën
10 December, 2015 @23:30
Epërsia 11 pikëshe e arritur në fund të çerekut të parë për ekipin lituanez Zalgiris Kaunas, është treguar të jetë e mjaftueshme për fitore!
Barcelona nuk ka arritur të shkrijë këtë epërsi gjatë gjithë ndeshjes dhe në fund është mposhtur në shtëpi ngushtë nga kampioni i shumëfishtë litunez me 4 pikë dallim.
Paulius Jankunas me 17 pikë, ka qenë lojtari më efikas i Zalgirisit sonte, derisa Mantas Kalnietis me 16 pikë e 6 asistime ka bërë të veten për fitoren e pestë të ekipit në Grupin C të Euroleague.
Te Barcelona Ante Tomic ka përfunduar ndeshjen me 28 pikë e 5 kërcime, që shkuan kot në fund. Përveç tij, vetëm edhe Carlos Arroyo e Stratos Perperoglou shënuan pikë dyshifrore për ekipin katalonas, 15, përkatëisht 10 sosh.
Pas kësaj ndeshjeje, Barcelona ka bilanc 6-3 në Grupin C, ndërsa Zalgirisi 5-4.
