GRUPI B
Heurtel shkëlqen në fitoren e Efesit
10 December, 2015 @22:26
Anadolu Efes ka arritur të shënojë fitoren e pestë në Grupin B të Euroleague sonte, duke e mposhtur Laboral Kutxan, pas lojës së mirë të treguar në pjesë të dytë.
Spanjollët e drejtuar nga Velimir Perasovic ishin më të mirë në pjesë të parë, por ekipi turk duke i falenderuar francezit Thomas Heurtel kanë arritur të bëjnë dallimin në pjesë të dytë dhe kanë shënuar fitore me 9 pikë epërsi në fund.
Heurtel ka përfunduar ndeshjen me 25 pikë të shënuara dhe 9 asistime, derisa atij i ka ndihmuar edhe Dario Saric me 12 pikë e 3 kërcimme në këtë fitore.
Te Laborali më të dalluarit kanë qenë Darius Adams me 20 pikë të shënuara dhe Jaka Blazic me 15 sosh.
Me këtë fitore të turqve, Efes dhe Laboral tash kanë bilanc të barabartë në Grupin B të Euroleague, 5-4, derisa të dyja skuadrat kanë siguruar kualifikimin nga grupi.
