Gasol shkëlqen, Bulls mposht Clippers

Kësaj radhe Chicago Bulls arriti te fitorja. Epërsia 9 pikëshe e tyre në pjesë të parë ka dalë të jetë e mjaftueshme për fitore edhe pse Clippers tentuan në sekondat e fundit për të barazuar - por topi i gjuajtur nga Chris Paul nuk qëlloi koshin, 83-80. 

Pau Gasol ka shkëlqyer me 24 pikë, derisa ka shënuar 100% nga tentimet për treshe në ndeshje. 

Derrick Rose ka shënuar 11, e Jimmy Butler 14 të tjera në fitoren e madhe të demave. 

Te Clippers, që ishte shumë afër rikthimit dhe së paku barazimit për të vazhduar ndeshjen u dalluan, Blake Griffin me 18 pikë e 11 kërcime dhe Chris Paul me 12 pikë e 5 asistime. 

Pas kësaj ndeshjeje Bulls ka bilanc 12-8 e Clippers 13-10.