Prishtina e pafuqishme ndaj Levskit

Kampioni aktual i Bullgarisë dhe i Ligës Ballkanike, Levski, ka shënuar fitore të lehtë sonte në përballjen miqësore ndaj Sigal Prishtinës, që u zhvillua në kryeqytetin bullgar, Sofje.

Prishtina e nisi ndeshjen me tre përfocimet e reja, Jordan Hulls, Aaron McGhee dhe Edin Bavcic, të cilët së bashku me Dardan Berishën e Edmond Azemin e formuan pesëshen të përzgjedhur nga trajneri Sabit Hadzic.

Falë topave të shpeshta të humbura nga basketbollistët e Prishtinës, Levski arriti të krijojë epërsi dyshifrore vetëm pas 5 minutave të para, 20-9, ndërsa me anë të efikasitetit në sulm dhe kundërsulmeve të shpejta, arritën që ta përmbyllin çerekun e parë me rezultat 32-18 në të mirë të tyre.

Këtë epërsi ekipi bullgar arriti ta ruaj deri në fund të ndeshjes, duke mos lejuar në asnjë mënyrë që prishtinasit ta zvogëlojnë disavantazhin.

Lëndohet Bavcic!

Kjo ndeshje ishte e pafat edhe për basketbollistin e ri të Prishtinës, Edin Bavcic. Qendra boshnjake e lëndoi krahun e djathtë gjatë çerekut të tretë dhe u largua nga ndeshja për t’ia lëshuar vendin e tij Fisnik Rugovës, edhe pse ende nuk dihet se a bëhet fjalë për ndonjë lëndim serioz apo jo.

Sigal Prishtina gjatë qëndrimit të saj në Bullgari do të merr pjesë edhe në turneun që do të mbahet në Burgas gjatë datave 26-28 shtator, ku pjesëmarrës do të jenë edhe skuadrat BC Balkan (Bullgari), Chernomorets (Bullgari) dhe KK Kozuv (Maqedoni).

Rezultati sipas çerekëve

Levski - Sigal Prishtina (32-18; 55-37; 71-54; 90-72)

Koshashënuesit te Levski

1	Hristo Zachariev	23 pikë
2	Pavel Ivanov	15 pikë
3	Stanimir Marinov	13 pikë
4	Milyan Pupovich	10 pikë
5	Dimitar Dimitrov	7 pikë
6	Stoyan Gyuroski	7 pikë
7	Pavlin Ivanov	5 pikë
8	Dejan Karamfilov	4 pikë
9	Dimitar Angelov	2 pikë
10	Alex Simeonov	2 pikë
11	Ivko Ivkov	2 pikë

Koshashënuesit te Sigal Prishtina

1	Dardan Berisha	22 pikë
2	Aaron McGhee	18 pikë
3	Edin Bavcic	11 pikë
4	Jordan Hulls	8 pikë
5	Fisnik Rugova	6 pikë
6	Muhamed Hasani	3 pikë
7	Edmond Azemi	2 pikë
8	Leonard Mekaj	2 pikë