7

BOROZANI/Lis Dorambari

Besa, e Superligës

24 September, 2014 @21:20

Besa e Pejës do të vazhdojë garat në Superligë. Pas afatit të ri të dhënë nga FBK-ja për të përmbushur kriteret për licencim në stinorin e ri 2014/15, pejanët kanë arritur t’i përmbushin ato për të mbetur pjesë e elitës së basketbollit kosovar.

Me mbetjen e Besës në Superligë, Peja do të vazhdojë të ketë edhe për stinorin e dytë me radhë dy skuadra në elitën e basketbollit kosovar - që e bën atë qytet të vetëm të Kosovës me dy skuadra në Superligë.

Me rikthimin e Besës tanimë numri i ekipeve pjesëmarrëse në Superligë është shtatë dhe FBK-ja ka shpallur konkurs për ekipin e tetë që do të futet me Wildcard.

Drita e Gjilanit, nuk ka arritur të përmbush kriteret e FBK-së dhe me këtë rast nuk është licencuar dhe do të mbetet jashtë Superligës këtë stinor.

Kriteret për licencim për ekipet e interesuara për WildCard:

Kushtet për një klub për të konkurruar për Wild card, sipas nenit 5 të Rregullores për Sistematizim dhe Licencim janë:
1.Të ketë garuar në sezonin 2013/14 në garat e FBK-së dhe ti ketë përmbushur të gjitha obligimet ndaj FBK-së.
2.Të ketë në dispozicion me çasje të vazhdueshme një palestër të sporteve me terren të basketbollit sipas dimensioneve dhe rregullave të FIBA-s.
3.Të ketë në dispozicion me çasje të vazhdueshme një palestër të sporteve me pajisjet teknike për mbajtjen e rezultatit të ndeshjes, kohës, kohës së aksionit (posedimit të topit) dhe gabimeve personale sipas standardeve të FIBA-s.
4.Të ketë në dispozicion me çasje të vazhdueshme një palestër të sporteve me kosha të basketbollit me tabela dhe rrjeta sipas propozicioneve të FBK-së dhe rregullave të FIBA-s.
5.Të ketë në dispozicion me çasje të vazhdueshme një palestër të sporteve me zhveshtore për dy ekipe, një zhveshtore për personat zyrtarë një hapësirë të klubit me zyrë, të pajisur me telefon, internet dhe
6.Të ketë nën kontratë së paku 3 trajnerë të licencuar.
7.Të ketë në dispozicion së paku një person të autorizuar mjekësor.
8.Të ketë në dispozicion së paku një zyrtar - komesar për siguri
9.Të ketë të licencuar së paku një përfaqësues zyrtar në FBK.
10.Të ketë internet dhe të mundësojë qasje në internet në dhe afër tavolinës zyrtare.
11.Të ketë hapësirë për konferenca për shtyp dhe tu mundësojë gazetarëve punë komode në ndeshjet e saja.
12.Të paguajë shumën prej 5,000.00€ në xhirollogarinë e FBK-së, që në rast të pranimit të kandidaturës do të zbërthehet sipas formulës: 1,500.00€ në emër të kotizimit për edicionin 2014/15, 1,500€ depozit për sezonin 2014/15, 2,000.00€ pagesë e parimbursueshme për Wild Card.
Afati për shprehje interesi për të gjithë klubet është deri më 25.09.2014 në ora 16:00.
Afati për përmbushje të obligimeve për Wild Card është deri më 26.09.2014, në ora 16:00.