PALLATI I RINISË
BOROZANI/Erdis Driza
Prishtina fiton me 30 pikë dallim Besën
23 November, 2014 @20:54
Sigal Prishtina i është kthyer menjëherë fitores, pas humbjes në derbi nga Peja.
Ekipi i Sabit Hadzic nuk ka pasur kurrëfarë problemi gjatë tejkalimit të pengesës së xhiros së dhjetë të Superligës, Besa.
Ata kanë mposhtur lehtë kundërshtarin nga Peja, me rezultat 105-75 në Pallatin e Rinisë dhe të Sportve, ku Dardan Berisha ka shënuar 29 pikë në fitoren me 30 pikë dallim të ekipit të tij.
Qendra boshnjake me përvojë, Edin Bavcic, ka regjistruar double-double prej 17 pikëve dhe 11 kërcimeve, derisa edhe Jordan Hulls ka qenë në element me 14 pikë e 11 asistime në fitore.
Te ekipi humbës, më i dalluar ka qenë Dominique Scales që ka shënuar 20 pikë e 11 kërcime në ndeshje, derisa Arian Qallaku me 16, dhe Beqë Kovaqi me 13 pikë kanë qenë basketbollistët tjerë efikas te Besa.
Sigal Prishtina vazhdon të mbajë lidershipin në Superligë me pikë të njejta sikur Peja, por me koshaverazh më të mirë.
Prishtina pret Bashkimin në xhiron që vjen, derisa Besa Trepçën në krizë.
Statistikat ekipore
| SIGAL PRISHTINA | BESA | ||
| Çereku i parë | 27 | 17 | |
| Çereku i dytë | 21 | 17 | |
| Çereku i tretë | 19 | 27 | |
| Çereku i katërt | 38 | 14 | |
| Kërcime | 41 | 34 | |
| Asistime | 30 | 9 | |
| Bllokada | 2 | - | |
| Topa të vjedhur | 10 | 8 | |
| Topa të humbur | 17 | 18 | |
| Tentime për tre pikë | 12/30 | 5/20 | |
| Tentime nga loja | 38/70 | 31/77 | |
| Gjuajtje të lira | 17/24 | 8/16 |
Statistikat individuale te Sigal Prishtina
| 1 | Dardan Berisha | 29 pikë | 3 kërcime | 1 asistim |
| 2 | Edin Bavcic | 17 pikë | 11 kërcime | 1 asistim |
| 3 | Blerim Mazreku | 16 pikë | 6 kërcime | 4 asistime |
| 4 | Jordan Hulls | 14 pikë | 11 asistime | 6 kërcime |
| 5 | Gary McGhee | 12 pikë | 5 kërcime | 2 bllokada |
| 6 | Edmond Azemi | 9 pikë | 7 kërcime | 6 asistime |
| 7 | Leonard Mekaj | 3 pikë | 5 asistime | |
| 8 | Muhamed Hasani | 3 pikë | 1 asistim | |
| 9 | Fisnik Rugova | 2 pikë | 3 kërcime | 1 asistim |
Statistikat individuale te Besa
| 1 | Dominique Scales | 20 pikë | 11 kërcime | 1 asistim |
| 2 | Arian Qallaku | 16 pikë | 5 kërcime | 1 asistim |
| 3 | Beqë Kovaqi | 13 pikë | 2 kërcime | 1 asistim |
| 4 | Shpend Gashi | 10 pikë | 2 kërcime | 2 asistime |
| 5 | Shawntez Patterson | 8 pikë | 7 kërcime | |
| 6 | Manny Richardson | 6 pikë | 5 kërcime | 4 asistime |
| 7 | Dion Basha | 2 pikë | 1 kërcim |
