RAHOVECI - PRISHTINA
Prishtina fiton pas 3 humbjeve rresht
23 January, 2021 @17:04
Me performancën në çerekun e fundit, Prishtina triumfoi ndaj Rahovecit me rezultat 75-93.
Rezultati ishte i ngushtë gjatë gjithë ndeshjes, përveç në 10 minutëshin e fundit.
Në çerekun e katërt, Prishtina ishte skuadra që e kërkoi fitoren më shumë dhe duke pësuar 17 pikë e duke shënuar 29 pikë, e bëri dallimin më të lartë në ndeshje.
Nigel Johnson me 23 pikë, 6 asistime, 3 topa të rrëmbyer e 2 kërcime, ishte më i miri te Prishtina, kurse edhe 5 basketbollistë të tjerë shënuan pikë dyshifrore.
Te Rahoveci, shkëlqeu Isaiah Traylor me 33 pikë, 5 kërcime, 4 asistime e 4 topa të rrëmbyer, por nuk mjaftoi për fitore.
Prishtina tani ka bilanc prej 5 fitoreve e 12 humbjeve dhe gjendet në pozitën e gjashtë, kurse Rahoveci me 12 fitore e 5 humbje gjendet në pozitën e parë në Superligë.
Prishtina në xhiron tjetër e pret Yllin, kurse Rahoveci takohet me Prizrenin.