Prishtina i afrohet finales

Prishtinës tashmë i mungon edhe një fitore për të arritur finalen e Play-Offit të Superligës. 

Ekipi bardhekaltër i motivuar me fitore të titullit në ligën ballkanike, nuk ka pasur shumë telashe ndaj Yllit sonte duke shënuar fitore në ndeshjen e dytë të gjysmëfinales së Play-Offit të zhvilluar sonte në palestrën 13 qershori të Suharekës. 

Sigal Prishtina ka krijuar epërsi 10 pikëshe që në çerekun e parë të ndeshjes, për të vazhduar me ritëm të mirë deri në fund të pjesës së parë. 

Ylli edhe pse luajti pak më mirë në çerek të dytë, kampioni aktual i Kosovës nuk i dha shumë hapësirë për tu afruar duke e mbajtur distancën në pikë deri në fund të ndeshjes për të ngritur epërsinë në 2-0. 

Ndeshja e ardhshme gjysmëfinale luhet përsëri në Suharekë, ku Ylli do të tentojë të zgjasë serinë sadopak. Në rast se fiton Prishtina, në ndeshjen tjetër, me 3 fitore do të shkojë në finale ku e pret Peja, e kualifikuar më parë. 

Jordan Hulls ka qenë lojtari i ndeshjes për Prishtinën sonte. Organizatori amerikan i Prishtinës ka shënuar 22 pikë, duke qenë lojtari më efikas i bardhekaltërve, ndërsa ka shtuar edhe 8 kërcime e 6 asistime në fitoren e ekipit të tij. 

Dardan Berisha shtoi 20 pikë tjera, bashkë me 3 asistime, derisa pikë dyshifrore shënuan edhe Blerim Mazreku, Julian Mavunga dhe Edin Bavcic. 

Te Ylli më efikasi ishte Najee White. White përfundoi ndeshjen me 27 pikë e 15 kërcime, duke regjistruar double-double’in e radhës për ekipin e tij. Double-double regjistroi edhe Urim Zenelaj, derisa banka rezervë e Yllit nuk ndihmoi me asnjë pikë sonte. 

SKEMA E PLAY-OFFit

Statistikat ekipore

	YLLI	PRISHTINA
Çereku i parë	16	26
Çereku i dytë	17	22
Çereku i tretë	29	23
Çereku i katërt	19	17
Kërcime	41	37
Asistime	16	21
Bllokada	2	-
Topa të vjedhur	6	6
Topa të humbur	13	8
Tentime për tre pikë	6/18 (33%)	14/33 (42%)
Tentime nga loja	33/69 (48%)	32/71 (45%)
Gjuajtje të lira	9/22 (41%)	10/17 (59%)

Statistikat individuale te Ylli

1	Najee White	27 pikë	15 kërcime	3 asistime
2	Derrick Washington	17 pikë	3 kërcime	5 asistime
3	Urim Zenelaj	15 pikë	17 kërcime	2 asistime
4	Charles Hammork	14 pikë	2 kërcime	5 asistime
5	Artin Gashi	8 pikë	2 kërcime	1 asistim

Statistikat individuale te Prishtina

1	Jordan Hulls	22 pikë	8 kërcime	6 asistime
2	Dardan Berisha	20 pikë	3 kërcime	3 asistime
3	Blerim Mazreku	14 pikë	1 kërcim	-
4	Edin Bavcic	13 pikë	5 kërcime	3 asistime
5	Julian Mavunga	13 pikë	2 kërcime	5 asistime
6	Edmond Azemi	3 pikë	7 kërcime	2 asistime
7	Leonard Mekaj	3 pikë	1 kërcim	2 asistime
8	Bojan Trajkovski	0 pikë	10 asistime	-