Prishtina me dy disfata në turneun miqësor

Rilski Sport ka fituar turneun miqësor, Samel 90, që festoi 50 vjetorin dhe ku ishte nikoqir. Ata kanë fituar në finale ekipin Lucoil 90-78 ku Vernon Taylor ka shënuar 24 pikë, derisa Yordan Bozov 14 pikë e 6 asistime në fitore. 

Sipas raporteve të ligës ballkanike, ekipi kosovar që morri pjesë në këtë turne, Sigal Prishtina ka pësuar dy humbje, një nga Balkani 73-83, ku ekipi që e kishte mposhtur Prishtinën edhe në ndeshjen për vendin e tretë të Final Fourit të stinorit të kaluar të BIBL, kishte epërsi që nga fillimi deri në fund të ndeshjes. 

Te Sigal Prishtina në këtë ndeshje u dalluan Aaron McGhee me double-double prej 26 pikëve dhe 10 kërcimeve, derisa Fisnik Rugova regjistroi 14 pikë e 9 kërcime tjera në disfatë. 

Sa i përket ndeshjes së dytë, aty Sigal Prishtinës fitorja i iki në fund, kur Kozuv i Gjevgjelisë u këndell kah fundi i takimit. Në këtë ndeshje, Dardan Berisha dhe Blerim Mazreku u dalluan te ekipi kampion i Kosovës, ku i pari shënoi 24, derisa qendra double-double prej 21 pikëve dhe 10 kërcimeve.

Sigal Prishtina në këtë turne ka mposhtur Chernomoretsin me rezultat 80-93, ku u dalluan Aaron McGhee me 25 dhe Dardan Berisha me 24 pikë. 

Sigal Prishtina Kozuvin e ka edhe kundërshtar grupi në ligën ballkanike, pasi që të dy skuadrat bëjnë pjesë në Grupin B të kësaj lige. Pikërisht me Kozuvin, Sigal Prishtina do të takohet më 12 nëntor të këtij viti, në kudaër xhiros së katërt të BIBL. (burimi: balkanleague.net)

Statistikat e Sigal Prishtinës në ndeshjet e turneut miqësor në Burgas