Prishtina mposht Borean në Pejë

Në takimin hapës të xhiros së XXVII në Superligën e Kosovës në basketboll, Prishtina ka shënuar fitore të parashikueshme ndaj Boreas në Pejë.

Kryeqytetasit dominuan gjatë gjithë ndeshjes dhe fitorja e tyre nuk ishte për asnjë moment në dyshim, ndërsa rezultati përfundimtar i ndeshjes ishte 65-98.

TABELA AKTUALE SUPERLIGA

Më i dalluari në humbjen e pejanëve sonte ishte Blend Matoshi, i cili realizoi triple-double me 11 pikë, 10 kërcime e 10 asistime, kurse sa i përket pikëve më i veçuari ishte CJ Carter me 18 pikë, 10 kërcime e 3 asistime. Ndërkohë, te skuadra e Prishtinës më i dalluari sonte ishte Filip Bundovic me 25 pikë, 15 kërcime e 2 asistime.

Kjo fitore bën që bilanci i Prishtinës momentalisht të jetë 26-1, derisa Borea ka bilanc 7-20.