Prishtina në kërkim të fitores së shpresës

Basketbollistët e Sigal Prishtinës janë në mes të maratonës së ndeshjeve të fillim vitit 2017.

Vetëm dy ditë pas duelit të humbur ndaj Beroes, ekipi bardhekaltër sonte pret Kozuvin e Gjevgjelisë në takimin e radhës të ligës ballkanike.

Ndeshja është dashur të luhej në xhiron e pestë të BIBL, mirëpo për shkak të angazhimit të Sigal Prishtinës në FIBA Europe Cup, ishte shtyer.

TABELA AKTUALE E BIBL

Sigal Prishtina nuk është ndeshur fare me Kozuvin këtë stinor në BIBL, ndërsa të dyja ekipet kanë bilanc të njejtë dhe janë në fund të klasifikimit në Grupin A, me bilanc 2-5 pas 7 ndeshjeve të zhvilluara.

Humbja do të bënte thuajse të pamundur shpresën për kualifikim në fazë të dytë, cilindo nga këto dy ekipe. Pra, për Sigal Prishtinën ky duel mund të thotë shumë sa i përket pjesës së mbetur të stinorit në BIBL.