Prishtina pa probleme ndaj Trepçës

Në takimin e vetëm të ditës në Superligën e Kosovës në basketboll, Prishtina ka shënuar fitore të parashikueshme ndaj Trepçës në kryeqytet.

Kampioni në fuqi i Kosovës e dominoi duelin që nga fillimi, duke mos lënë hapësirë për dyshime në asnjë moment, ndërsa rezultati përfundimtar i ndeshjes ishte 102-73.

TABELA AKTUALE SUPERLIGA

Më të dalluarit në këtë fitore të kryeqytetasve sonte ishin Granit Rugova me 32 pikë, 4 kërcime e 2 asistime dhe Filip Bundovic me 21 pikë, 4 kërcime e 5 asistime, derisa te Trepça u veçuan Samir Zekiqi me 20 pikë, 6 kërcime e 7 asistime dhe Besnik Azemi me 18 pikë, 10 kërcime e 3 asistime.

Kjo fitore bën që bilanci i Prishtinës të jetë 24-1, kurse Trepça aktualisht ka bilanc 11-14.