AMERIKANI I RADHËS
Prishtina regjistron edhe një të huaj
22 October, 2016 @17:51
Basketbollisti amerikan 196 centimetra i gjatë, Louis Darby, është lojtar i ri i Sigal Prishtinës.
FBK ka bërë të ditur se bardhekaltërit kanë paraqitur për regjistrim lojtarin në fjalë dhe pas kompletimit të dokumentacionit ai do të ketë të drejtë loje për kampionin e shumëfishtë të Kosovës.
Darby së fundi ka qenë pjesë e ekipit nga Gjermania, Mitteldeutscher BC Weissenfels, që garon në ligën e dytë të këtij vendi, Pro A.
Darby në 14 paraqitjet e tij me ekipin gjerman në stinorin e kaluar ka pasur mesatare prej 7.7 pikëve për ndeshje, 1.1 asistimi dhe 1.4 kërcime.
