Prishtina shkëputet në çerekun e tretë

Kampionja aktuale ka vazhduar edhe sonte serinë e fitoreve ndaj Trepçës. Sigal Prishtina ka qenë më e mirë se ekipi mitrovicas, derisa dallimi kryesor në ndeshje u bë në çerekun e tretë, kur bardhekaltërit i dhanë ‘gaz’ për të krijuar avantazh të madh. 

Trepça ishte e barabartë në lojë ndaj kampiones në pjesën e parë, derisa pas 20 minutave lojë, rezultati në semafor shënonte 44-46. 

Mirëpo, e tëra përfundoi këtu, derisa ekipi i Sabit Hadzic filloi vrullshëm çerekun e tretë me seri prej 7-0 për të mos shikuar më asnjëherë pas. 

Dardan Berisha ka qenë përsëri koshashënuesi më i mirë i Prishtinës, duke shënuar 25 pikë në fitoren e 11-të të ekipit të tij. 

Lojë të mirë tregoi qendra e re amerikane e Prishtinës, Gary McGhee, që shënoi 22 pikë në fitoren e ekipit të tij - derisa vetë lojtari regjistroi performancën më të mirë prej se erdhi në kryeqytet. 

Te ekipi vendas, Marquiz Baker mbante Trepçën në lojë, kur regjistroi 24 pikë - derisa Valdrin Haxhiu dhe Samir Zekiqi me nga 14 pikë secili, gjithashtu kontribuuan te ekipi, por pamjaftueshëm ndaj Prishtinës. 

Përforcimi i ri i Trepçës, Jaka Stemberger ishte në bankën rezervë dhe nuk fitoi asnjë sekondë paraqitje nga trajneri Ilir Selmani. 

REZULTATET, TABELA AKTUALE

Rezultati sipas çerekëve

Koshashënuesit te Trepça

Koshashënuesit te Sigal Prishtina