XHIROJA XII
BOROZANI/Ahmed Huduti/Arkiv
Bashkimi pret Vëllaznimin, Peja në Ferizaj
5 December, 2014 @21:10
Kanë mbetur edhe nga tre ndeshje për secilin ekip që t’i vie fundi i pjesës vjeshtore të Superligës.
Xhiroja XII nis nesër, me ndeshjen Kastrioti - Peja, që luhet në Ferizaj. Ekipi i fundit nga tabela është nikoqir i Pejës në ndeshjen që nis nga ora 18:00.
Në ndeshjen tjetër të ditës së nesërme, Bashkimi pret Vëllaznimin në Prizren.
Ndeshja e parë mes këtyre dy skuadrave kishte kaluar me emocione të mëdha dhe dramë në fund, kur Bashkimi kishte fituar në sekondën e fundit të ndeshjes me pikët e qendrës malaziase, Dragomir Marojevic, që tashmë nuk është pjesë e skuadrës prizrenase.
Që nga ajo ditë, Bashkimi ka ndërruar dy të huaj, derisa Vëllaznimi ka afruar në ekip ish lojtarin e dikurshëm të Bashkimit, Phil Brooks, ku ky i fundit do t’i kthehet Sezai Surroit si kundërshtar për herë të parë.
Të dielen zhvillohen edhe dy ndeshjet tjera: Ylli-Besa dhe Trepça - Sigal Prishtina.
REZULTATET E DERITASHME DHE TABELA AKTUALE
Orari i xhiros XII:
| E shtunë 18:00 | Kastrioti - Peja | Gjyqtarë: Xhavit Beqiri, Burim Berisha, Ilhan Xhaka. | Përballjet e deritashme: Kastrioti-Peja 0-1 |
| E shtunë 19:00 | Bashkimi - Vëllaznimi | Gjyqtarë: Faton Kurshumlija, Isa Prebreza, Egzon Maloku. | Përballjet e deritashme: Bashkimi-Vëllaznimi 1-0 |
| E diel 18:00 | Trepça - Sigal Prishtina | Gjyqtarë: Xhelal Mumini, Artan Gashi, Ardian Rrustemi. | Përballjet e deritashme: Trepça-Sigal Prishtina 0-1 |
| E diel 19:00 | Ylli - Besa | Gjyqtarë: Daut Mehmeti, Astrit Kasapolli, Elion Obërtnica. | Përballjet e deritashme: Ylli-Besa 1-0 |
