Liderët e pamëshirshëm

Dyshja lidere e Superligës së Kosovës, Sigal Prishtina dhe Peja, janë treguar të pamëshirshme ndaj kundërshtarëve të tyre të radhës në Kupën e Kosovës. 

Prishtina, 14 diferencë

Sigal Prishtina, që është edhe mbrojtësja e titullit të Kupës së Kosovës, ka arritur që të mposht Kastriotin në Ferizaj me rezultat 89-103, për ta bërë edhe një hap drejt Final Fourit. 

Peja, 60 diferencë

Në anën tjetër, Peja ka kaluar edhe më lehtë kundërshtarin e saj të grupit, Kerasan Prishtinën, ekip i ri ky në basketbollin tonë. 

Verdhezinjtë kanë mposhtur kundërshtarin me 60 pikë epërsi (56-116), duke treguar forcën dhe dallimin e madh mes ekipeve të reja të krijuara në vend dhe atyre që marrin pjesë në ligën ballkanike. 

Ndeshjet e djeshme

Dyshja, tash vazhdon në Kupë, derisa nëse nuk ndodh asnjë befasi, pritet që katërshja e madhe (dyshja në fjalë dhe Bashkimi e Trepça) të përbëjë Final Fourin e Kupës përsëri. 

REZULTATET: