TRANSFER
Prishtina transferon edhe një lojtar nga Ylli
17 January, 2017 @17:50
Rrugën e Urim Zenelajt, i cili u transferua nga Golden Eagle Ylli te Sigal Prishtina, e ka ndjekur edhe basketbollisti i ri, Gazzali Makasqi.
Reprezentuesi i grupmoshave të reja të përfaqësueses së Kosovës, sivjet ka debutuar në Superligën e Kosovës, ndërsa ka befasuar shumëkë me paraqitje të mira, duke pasur edhe minutazh të konisderueshëm te skuadra nga Suhareka.
Makasqi gjatë stinorit vjeshtor ka luajtur me mesatare prej 3.5 pikëve, dhe 2.3 asistime për ndeshje në Superligë me Yllin, ndërsa në fushë ka qëndruar mesatarisht për 16.6 minuta, statistika këto mjaft të mira duke pasur parasysh që është vetëm 16 vjeçar.
Përveç tij, Sigal Prishtina i ka regjistruar në FBK për këtë afat kalimtar edhe përforcimet e paralajmëruar më parë si Urim Zenelaj, Grant Johnson, Nenad Delic dhe i riu Muhamedali Janjeva.
