Radovic: Kualifikimi është i rëndësishëm për ne

Trajneri i Bashkimit ka thënë se me gjashtë lojtarë në dispozicion për rotacion, kjo ka qenë e tëra që mund të arrihet ndaj një ekipi si Sigal Prishtina.

Bashkimi përkundër paraqitjes tepër të mirë në pjesë të parë të ndeshjes, u mposht në pjesën e dytë për të regjistruar humbjen e pestë në Grupin A të BIBL dhe të parën pas katër fitoreve radhazi.

“Ka qenë me të vërtetë vështirë për ne, pasi që kishim vetëm 6 lojtarë në dispozicion për rotacion. Me kaq lojtarë është shumë vështirë t’i bësh ballë Prishtinës, që bënë punë shumë të mirë në pjesë të dytë. Edhe pas kësaj humbjeje, ne kemi gjasa për kualifikim në fazën e dytë të BIBL dhe kjo është shumë me rëndësi për ne,” ka thënë trajneri Dragan Radovic, shkruan faqja zyrtare e BIBL sot.

Bashkimit i duhet fitore ndaj Teodos në përballjen e fundit të fazës së parë të BIBL për të mbetur në garë në BIBL.