Prishtina turpëron Bashkimin

Hesapet e Sigkos Bashkimit për ta mposhtur Sigal Prishtinën dhe për ta rrëmbyer vendin e dytë në tabelë të prishtinasve, ranë në ujë. Bardhekaltërit u treguan superior ndaj Bashkimit, të cilin e mposhtën me epërsi prej 26 pikëve.

Çereku i parë i ndeshjes ishte afërsisht i barabartë. Prishtinasit në këtë pjesëlojë shënonin me anë të qendrave Julian Terrell dhe Akida McLain, derisa prizrenasit më të saktë ishin në tentimet për tre pikë.

Inkuadrimi në lojë i Fisnik Rugovës dhe të Edmond Azemit në çerekun e dytë, e forcoi dukshëm mbrojtjen e Sigal Prishtinës, e cila pësoi vetëm 7 pikë në këtë çerek, derisa në fund të gjysmëlojës semafori tregonte epërsinë prej 19 pikëve të vendasve, 45-26.

Në dy çerekët e mesëm të ndeshjes, Bashkimi arriti të shënojë vetëm 7 pikë (3 herë) nga loja, kurse te Prishtina secili lojtar e kreu detyrën e tij në mënyrën më të mirë, si në mbrojtje, ashtu edhe në sulm, ndërsa pas gjysmë ore lojë rezultati ishte 70-36 për ekipin e Ahmet Kandemirit.

Periudha e fundit e ndeshjes, që përfundoi me rezultat 15-23, ishte vetëm formalitet, pasi dilema e fituesit kishte marrë fund dhe e vetmja gjë që u arrit nga prizrenasit ishte ngushtimi i epërsisë së thellë.

Kjo është humbja më e thellë e stinorit për Sigkos Bashkimin, derisa trajneri prishtinas, Ahmet Kandemir, regjistroi fitoren më të thellë ndaj skuadrave të TOP 4-shes.

Tabela aktuale dhe rezultatet e deritashme.

SIGAL PRISHTINA (Statistikat individuale)

SIGKOS BASHKIMI (Statistikat individuale)