PEJA
BOROZANI/Edrin Shkuliqi
Fortesa Karagaç
13 April, 2013 @19:42
Peja ka arritur të shënojë fitoren e 22-të në kampionat sot ndaj Vëllaznimit në Karagaç. Fitorja e pritur e pejanëve, ndoshta nuk ka qenë me rezultat të thellë, por arsye për këtë ka qenë se trajneri kroat i të verdhëve, Rudolf Jugo, ka aktivizuar të gjithë basketbollistët në dispozicion.
Sidoqoftë, Peja përkundër humbjeve jashtë Karagaçit ka ekipin më stabil në ligë nga të gjithë dhe tashmë e lirë pret luftën e vendit të katërt ndërmjet Trepçës dhe RTV 21, për të mësuar kundërshtarin në Play-Off.
Shqiponjat kanë shënuar fitore me rezultat 96-84 dhe deri më sot asnjëherë nuk janë mposhtur në fortesën e quajtur Karagaç, ku janë më të sigurtë se të gjitha ekipet e ligës.
BKT SUPERLIGA, SONTE:
| Peja - Vëllaznimi | 96-84 |
