Shpërthimi i Bashkimit

Pas tre humbjeve nga Peja në këtë stinor, Bashkimi në përballjen e saj të fundit në stinor të rregullt ka arritur të mposht Pejën me rezultat 73-69. 

Qendra amerikane Mark Dawson ka qenë njeriu më i dalluar në ndeshjen e sontme duke shënuar double-double prej 22 pikëve dhe 12 kërcimeve. 

Përveç tij, janë dalluar edhe lojtari më i mirë i muajit mars, Kejuan Johnson, me 18 pikë dhe Mustafë Merovci me 12 sosh. 

Pasi që çereku i parë përfundoi me barazim, 19-19, Peja morri avantazhin në fund të pjesës së parë, të ndeshjes e cila shkonte në luftë të jashtëzakonshme sportive, 36-40. Ishin këto momente, kur Dardan Berisha, morri lojën në dorë dhe nuk lëshonte pe, derisa përkundër humbjes ishte koshashënuesi më i mirë i takimit, bashkë me amerikanin e Bashkimit, Dawson, me 24 pikë të shënuara. 

Samir Shaptahovic, gjithashtu ka qenë fenomenal sonte nga ana e Pejës. Ai regjistroi double-double prej 16 pikëve dhe 12 asistimeve, që tregon se Samiri edhe luan, edhe i fut të tjerët në lojë. 

Në çerekun e tretë të udhëhequr edhe nga brohoritja e spektatorëve, portokallët arritën të kthehen në lojë kurse krejt në fund kur rezultati ishte i barabartë 69-69, Valentin Spaqi dhe Kejuan Johnson shënuan nga gjuajtjet e lira, për të nxjerrë epërsinë e paaritshme në sulmin e fundit të pejanëve, 73-69. Peja në fakt kishte rastin të përfundonte ndeshjen në favor të saj, por amerikani Harouna Mutombo, dështoi nga vija e tre pikëshit pranë rezultatit 71-69 për Bashkimin. 

Bashkimi tash ka pikë të njejta me Sigal Prishtinën në vendin e dytë dhe përballja në mes tyre në xhiron e radhës do të mund të përcaktojë përfundimisht ekipin që do të përfundojë në vendin e dytë, nëse nuk ndodhë ndonjë befasi tjetër. Në stinorin pranveror Bashkimi ka regjistruar vetëm dy humbje në 11 ndeshje, nga Peja në Karagaç dhe Trepça në Vushtrri. 

BKT SUPERLIGA, SONTE:

Bashkimi - Peja

73-69 (Rezultati final)

(19-19; 17-21; 19-14 dhe 17-15) Rezultati sipas çerekëve

BASHKIMI - STATISTIKAT INDIVIDUALE

1	Mark Dawson	22 pikë	12 kërcime	1 bllokadë
2	Kejuan Johnson	16 pikë	7 kërcime	6 asistime
3	Rokas Uzas	13 pikë	7 kërcime	1 asistim
4	Mustafë Merovci	12 pikë	6 kërcime	1 bllokadë
5	Valentin Spaqi	6 pikë	1 kërcim	1 asistim
6	Qëndrim Biraj	3 pikë	5 kërcime	2 asistime
7	Altin Morina	1 pikë

PEJA - STATISTIKAT INDIVIDUALE

1	Dardan Berisha	22 pikë
2	Samir Shaptahovic	16 pikë	12 asistime	1 kërcim
3	Alban Veseli	11 pikë	4 kërcime	1 asistim
4	Gerti Shima	10 pikë	8 kërcime
5	Harouna Mutombo	6 pikë	2 kërcime
6	Artin Gashi	2 pikë
7	Valdet Grapci	2 pikë	2 kërcime
8	Cyril Awere		3 kërcime