SONTE
BOROZANI/D.S.
Derbi për vendin e dytë
14 April, 2013 @15:44
Basketbollistët e Sigal Prishtinës të cilët aktualisht gjinden në pozitën e dytë në tabelë të klasifikimit presin në Pallatin e Rinisë dhe të Sporteve, Bashkimin, që tashmë pas fitores ndaj Pejës po kërkon vendin e dytë në fund të stinorit të rregullt.
Djelmoshat e Ahmet Kandemir kanë rrezikuar pozitën e dytë në momentin kur humbën nga Trepça, xhiron e kaluar, dhe sot do të kërkojnë fitore gjithsesi për të siguruar pozitën numër dy, para përfundimit të stinorit.
Në anën tjetër, prizrenasit pas fitores ndaj Pejës janë zgjuar nga gjumi dhe tani më po kërkojnë fitore edhe ndaj Prishtinës, ashtu që të kërcejnë në pozitën e dytë që do t’i ipte përparësi në Play-Off.
Asnjë ekip nuk ka ndonjë mungesë të caktuar, ndërsa ndeshja fillon nga ora 20:15. Sigal Prishtina dhe Sigkos Bashkimi kanë pikë të njejta në tabelë të klasifikimit. Tabela aktuale.
BKT SUPERLIGA, SONTE:
| 19:30, Jeton Tërstena, Vushtrri | Kosova V - Drita | (1-2) Rezultati i përballjeve të deritashme | Gjyqtarë: A. Hoxhaj, U. Hasani dhe A. Goçaj |
| 20:15, Pallati i Rinisë, Prishtinë | Sigal Prishtina - Sigkos Bashkimi | (2-1) Rezultati i përballjeve të deritashme | Gjyqtarë: H. Zeka, A. Vula dhe D. Mehmeti |
