Prishtina vazhdon pa humbje

Sigal Prishtina po vazhdon të dominojë në palestrat e basketbollit në Kosovë. Skuadra e vetme pa humbje në Superligë, e mposhti Trepçën me rezultat të thellë 88-60.

Në fakt, mitrovicasit ishin ata të cilët ia nisën më mirë ndeshjes. Ekipi i trajnerit spanjoll, Israel Martin, krijoi epërsinë 0-7 në fillim të ndeshjes, mirëpo kjo epërsi shumë shpejtë u përmbys nga ana e prishtinasve, të cilët e përmbyllën çerekun e parë me dy pikë epërsi (13-11).

Kjo ishte edhe e tëra sa i përket rivalitetit në lojë, pasi që Sigal Prishtina e filloi çerekun e dytë me dy trepikësha të njëpasnjëshme, duke e thelluar epërsinë deri në 15 pikë në fund të pjesës së parë.

Në vazhdim i gjithë kontrolli i lojës ishte në duart e basketbollistëve bardhekaltër, të cilët shënuan fitore të merituar me epërsi prej 28 pikëve.

Interesant ishte fakti se katër basketbollistët më efikas te ekipi fitues ishin basketbollistë vendorë, kurse në anën tjetër, basketbollistët e huaj ishin ata të cilët u munduan ta mbajnë në këmbë skuadrën e tyre.

Koshashënuesi më i mirë në ndeshje ishte Dardan Berisha me 18 pikë, kurse Blerim Mazreku shtoi 15 pikë të tjera. Te Trepça më i dalluari ishte Dominique Lacy me 14 pikë e katër kërcime.

Kjo fitore e mban Prishtinën në krye të tabelës, derisa për Trepçën kjo ishte humbja e katërt në këtë stinor.

Rezultatet dhe tabela aktuale.

Statistikat ekipore

	Sigal Prishtina	Trepça
Çereku i parë	13	11
Çereku i dytë	28	15
Çereku i tretë	22	18
Çereku i katërt	25	16
Kërcime	43	31
Asistime	15	11
Bllokada	5	1
Topa të vjedhur	9	10
Topa të humbur	16	19
Tentime për tre pikë	8/22	5/27
Tentime për dy pikë	24/40	12/33
Tentime nga gjuajtjet e lira	16/23	21/31

Statistikat individuale te Sigal Prishtina

1	Dardan Berisha	18 pikë	4 asistime	2 kërcime
2	Blerim Mazreku	15 pikë	2 kërcime
3	Edmond Azemi	10 pikë	7 kërcime
4	Alban Veseli	10 pikë	1 kërcime	1 asistim
5	K'Zell Wesson	9 pikë	7 kërcime	2 asistime/ 2 bllokada
6	Fisnik Rugova	6 pikë	2 kërcime	1 bllokadë
7	Muhamed Hasani	5 pikë	3 kërcime
8	Kendrick Jones	5 pikë	5 kërcime	5 asistime
9	Aurimas Kieza	4 pikë	7 kërcime	2 asistime
10	Tay Waller	4 pikë	5 kërcime	1 asistim
11	Kreshnik Juniku	2 pikë	1 kërcim

Statistikat individuale te Trepça

1	Dominique Lacy	14 pikë	4 kërcime
2	Jan Orfila	12 pikë	4 kërcime	2 asistime/ 1 bllokadë
3	Joshua Brown	11 pikë	2 kërcime	1 asistim
4	Robert Goff	8 pikë	9 kërcime	3 asistime
5	Gazmend Asllani	5 pikë	4 kërcime	2 asistime
6	Valdrin Haxhiu	4 pikë	3 asistime	1 kërcim
7	Imer Tahiri	3 pikë	4 kërcime
8	Korab Prekazi	2 pikë	1 kërcim
9	Besnik Azemi	1 pikë	1 kërcim