Përforcohen para ndeshjes me Pejën

Kumanova, që ka një fitore dhe një humbje në Balkan League, para ndeshjes së xhiros së katërt është përforcuar me basketbollistin amerikan, Royce Parran. 

Parran që së fundi ka luajtur në ligën e dytë malaziase për Danilovgradin do të jetë përforcimi i fundit i ekipit nga Kumanova, që humbjen e vetme deri më tani e ka pësuar nga Sigal Prishtina. 

Kumanova do të pret Pejën në xhiron e katërt të Balkan League. Derisa Peja ende nuk ka shënuar fitore në dy ndeshjet e zhvilluara, Kumanova ka një fitore dhe një humbje deri më tani. 

Amerikani Parran kishte shënuar në ndeshjen e parë të tij ndaj Zetës 50 pikë dhe zgjoi interesimin e të gjitha ekipeve në rajon. Fundori amerikan do të zëvendësojë malaziasin e Kumanovës, Nemanja Vranjes, i cili ka pësuar një lëndim të keq javën e kaluar. 

Edhe Peja dje ka paralajmëruar përforcimin e radhës te ekipi i saj. Pejanët kanë arritur marrëveshje me kroatin Teo Simovic.