KAMZA - PRIZRENI
Prizreni i kthehet fitoreve në Ligën Unike
19 January, 2022 @20:54
Pas humbjes kundër Yllit në xhiron e kaluar në kuadër të Ligës Unike, Prizreni e mposhti Kamzën me rezultat 86-95.
Skuadra e Kamzës vetëm në fillim të ndeshjes e kishte një epërsi prej 6 pikëve, më pas skuadra e Prizreni e mbylli çerekun e parë me rezultat 17-26.
Mbrojtja e Prizrenit në çerekun e dytë ishte e pakalueshme. Ata pësuan vetëm 7 pikë dhe shënuan 22 pikë për ta kontrolluar më pas ndeshjen deri në fund dhe për ta regjistruar fitoren e radhës.
Arti Hajdari ishte koshashënuesi më i mirë me 24 pikë, derisa u ndihmua edhe nga Ivan Koljevic me 21 pikë, 9 asistime e 6 kërcime, Courtney Fells me 20 pikë e 13 kërcime dhe Urime Zenelaj me 13 pikë e 15 kërcime.
Te Kamza u dalluan Gerad Davis me 35 pikë e 9 asistime, Eric Williams me 18 pikë e 10 kërcime dhe Matthew Eldridge me 15 pikë e 10 kërcime.
Prizreni me 5 fitore e 3 humbje ngritet në pozitën e tretë në Ligën Unike, kurse Kamza ka bilans prej 2 fitoreve e 6 humbjeve.
