RAHOVECI - PRISHTINA
Rahoveci i hakmirret Prishtinës
29 September, 2019 @21:06
Kampionia aktuale e Superligës së Kosovës në basketboll, Prishtina, e nisi sitnorin 2019/20 me humbje.
Nënkampioni i Kosovës, Rahoveci, pas humbjes në Superkupë kundër Prishtinës, kësaj radhe e mposhti kundërshtarin me rezultat 74-61.
Vreshtarët me lojë të bukur që treguan gjatë tërë ndeshjes, i mbyllën katër çerekët në epërsi, për të regjistruar një fitore shumë të rëndësishme në fillim të stinorit.
Lojtari i ndeshjes te Rahoveci ishte përforcimi i ri Jure Gunjina. Ai luajti me double-double prej 24 pikëve e 12 kërcimeve, derisa u ndihmua edhe nga Arian Qallaku me 19 pikë dhe Justin Gray me 15 pikë, 9 kërcime e 6 asistime.
Te Prishtina në mungesë të yllit Dardan Berisha, u dalluan Divine Myles me 23 pikë, Mikaile Tmusic me 13 pikë e 10 kërcime dhe Fahro Alihodzic me 12 pikë e 13 kërcime.
Rahoveci ishte skuadra e vetme që e mposhti Prishtinën sezonin e kaluar në Play Off, pasi Prishtina e kishte mbyllur sezonin e rregullt pa humbje, kurse “vreshtarët” arritën ta mposhtin Prishtinën edhe sonte, në ndeshjen e parë të sezonit të ri.
Rahoveci në xhiron e dytë do të përballet me Feronikelin, kurse Prishtina e pret Prizrenin.
