Rahoveci ia bën 3-0 Prishtinës, ngritet në tabelë

Skuadra e Rahovecit e drejtuar nga ish trajneri i Prishtinës, Marjan Ilievski, ka shënuar fitore ndaj kampionit aktual për të bërë serinë e fitoreve në Superligë ndaj tyre 3-0.

Vreshtarët janë treguar të shpejt dhe të pamëshirshëm në çerek të parë të ndeshjes, kur pas 10 minutave lojë rezultati në semafor tregonte 17-4 në të mirë të tyre.

I pamundur ka qenë rikthimi i Prishtinës në lojë pas këtij disavantazhi dhe e tëra që kanë arritur të bëjnë kampionët ka qenë që të mos lejojnë humbje më të thellë dhe me përfundimtaren 70-57 vreshtarët regjistruan triumfin e 12 të stinorit.

TABELA AKTUALE E SUPERLIGËS

Darrel Davis ka qenë më efikasi te vreshtarët sonte. Ai k a shënuar 18 pikë në fitore, ndërsa përveç tij edhe tre lojtarë tjerë kanë përfunduar ndeshjen me pikë dyshifrore. Alban Veseli dha 15 pikë, Joshua McFolley 13 dhe Bardh Rexha 10 të tjera.

Te Prishtina 22 pikët e përforcimit të ri të ekipit Jordan Johnson nuk kanë mjaftuar. E qendra më e dalluar e Superligës, Fahro Alihodzic edhe pse kreu ndeshjen me double-double 11 pikë + 11 kërcime + 5 asistime, nuk arriti të bëj më tepër.

Pas kësaj ndeshjeje Rahoveci ka bilans 12-5, ndërsa Prishtina 13-4.