Ramiz Sadiku - kampion i Kosovës për U-15

Skuadra e moshave të Ramiz Sadikut është treguar më e saktë para portës kundërshtare në përballjen finale të PlayOffit Nacional për moshat nën-15vjeçare, për tu stolisur me titullin e kampionit të Kosovës në futboll.

Ramiz Sadiku mposhti Ballkanin 3-1 në finale të moshës nën-15vjeçare, ndërsa më pas festoi me trofeun e kampionit.

Golat në këtë ndeshje u shënuan nga Fidan Shkreta 39’, Gent Mustafa 47’, 60’, derisa golin e vetëm për Ballkanin e shënoi Arlind Kotorri 47’.

Në fund, kapiteni i verdhekaltërve, Adriatik Morina pranoi Kupën nga kreu i FFK-së, për të nisur festa e ekipit në kampin nacional në Hajvali, ku po luhen finalet nacionale për grupmosha.