BASKONIA - REAL
Foto: euroleague.net
Real Madrid mban kreun me fitore
3 February, 2017 @22:55
U zhvillua luftë e madhe në parket, por Real Madrid mençur, duke luajtur me të gjithë basketbollistët në dispozicion dhe duke shpërndarë pikët te thuajse çdonjëri, ka shënuar fitore ndaj Baskonias 71-79 si mysafir për të mbajtur kreun e Euroligës.
Te madrilenët më efikasi ka qenë talenti Luka Doncic që shënoi 16 pikë, ndërsa pikë të njejta shënoi edhe Jeffery Taylor. Përveç tyre, vetëm edhe Gustavo Ayon kaloi pragun e pikëve dyshifrore, duke shënuar 11 në fitoren e radhës për ekipin e drejtuar nga Pablo Laso.
Baskonia që mbeti edhe kësaj radhe pa fitore, lojtar më të dalluar sonte e kishte Rodrigue Beauboisin, që shënoi 20 pikë.
