14 FITORE RRESHT
Foto: KBPrishtina Official
Seria fantastike e bardhekaltërve
3 February, 2017 @21:52
Përkundër se ia nisën në mënyrë më të keqe stinorit në Superligë, me 2 humbje ndaj 2 rivalëve kryesorë, Bashkimit e Pejës, Sigal Prishtina prej 15 tetorit 2016 nuk ka pësuar më në Superligë.
Që nga ajo ditë, bardhekaltërit përkundër se kanë ndërruar shumë lojtarë në skuadër, por edhe trajnerë, ritmin e fitoreve në Superligë e kanë mbajtur dhe tashmë kanë shënuar 14 fitore radhazi për të qenë në formën më të lartë të fitoreve para ndeshjes së radhës në Superligë dhe Final Fourit që luhet në fundjavën e Pavarësisë së Kosovës, 17 - 19 shkurt.
FAKT:
| Sigal Prishtina ka shënuar 14 fitore me radhë në Superligë 2016/17 që është seria më e mirë deri tash këtë stinor. |
